विविध पूजा / विधी

गंगापूजन

आपण केलेल्या गंगास्नान, समुद्रस्नान व तीर्थयात्रेचे संपूर्ण पुण्य लाभावे याकरिता गंगापूजन केले जाते. पूर्वीच्या काळी प्रवासाची साधने व रस्त्यांच्या सुविधा नसल्यामुळे तीर्थयात्रेला गेलेली व्यक्ती सुखरुप परत येणे जरा अवघड होते. त्यामुळे सुखरुप यात्रा पूर्ण झाल्याबद्दल मित्रमंडळी, आप्तेष्ट , नातेवाईक यांना बोलावून यात्रेचा प्रसाद देणे हे मुख्य प्रयोजन होते.

संकल्पपूर्वक गणपतीपूजन , पुण्याहवाचन करुन गंगेच्या पाण्याने भरलेल्या कलशाची षोडशोपचार पूजा करावी. गंगेची ओटी भरावी. ब्राह्मण व सुवासिनींना वस्त्र, सौभाग्यवायन द्यावे. ह्यानंतर तीर्थयात्रेहून आणलेला प्रसाद, गंगेचे कलश इ. वस्तू सर्वांना द्याव्यात.